Kaixo lagunak:
Berriz ere modu lotsagabean gutun estandar batez erantzun dute hainbat egiatarrek udal parte hartze programan idatzitakoaren aurrean. Idatzi diegunari gutun estandard baten bidez. Eta egiazkoak ez diren ordutegi batzuk adieraziz. Porrontxotako batzordetik uste dugu pauso bat gehiago eman beharko genukela eta norbanakook prentsara iritzi artikulu sinpleak igortzen hasi.
Eta nola ez!!!, jarraitu bidaltzen zure kexak Alkateari, helbide honetara:
http://www.donostia.org/sugerencias.nsf/fwSugerencia?ReadForm&idioma=eus
Ala pues, txintxoak izan! eta badakizue…
PORRONTXO JAIAK:
UDALAREKIN IZANDAKO ARAZOAK 2006TIK HONA
Agiri honen bitartez, Udalaren debeku, isun eta mugen erruz Porrontxo Jaiek bizi duten egoera larriaren berri eman nahi dugu. Jarraian azaltzen diren puntuetan, 2006an ika-mikak hasi zirenetik gertatutakoak ulertzeko gakoak zehaztu ditugu.
2006
o Ziurrenik ezingo genuen Plaza Haundi erabili.
o Tejerian, ezingo genituen ohiko tokietan (Correoseko bulegoaren eta Garraxi jatetxearen artean) txoznak eta oholtza jarri.
o Egunero 01.00etarako kontzertuek bukatuta eta txoznek itxita egon behar zuten. 2003an Udalak Donostiako jai batzordeekin hitzartutakoaren kontra doa hori, bertan adostutakoaren arabera, txoznek eta ekintzek 03.30-04.00ak arte iraun baitezakete asteburuetan.
o Plaza Haundi banku eta palmondorik gabe zegoen une horretan, hustuta, baina lanak hasi gabe. Beraz, Porrontxoek iraun bitartean hesiak kentzea eskatu genuen, eta bertan lau txozna eta oholtza nagusia jartzea. Normalean Plaza Haundin hiru txozna jartzea eskatzen badugu ere, urte hartakoa salbuespen gisa hartu genuen, plaza hustuta toki gehiago zegoelako.
o Beste hiru txoznak eta oholtza txikia Tejeria kalean jartzea, guk proposatu bezala, Correoseko bulegoaren eta Garraxi jatetxearen artean. Izan ere, gorago jarriz gero, kale horretako tailerrentzako eta Plaza Haundiko garajeen jabeentzako eragozpen handia litzateke, eta bi guneetako musika elkarrekiko gertuegi egongo litzateke.
o Ostegunean, ohi bezala, Tejeriako txoznak 01.00etan ixtea, eta asteburuan 2003ko hitzarmenean adostutakoari eustea, musikaren bolumena kontrolatuta.
2007
o Plaza Haundin oholtza handia eta bost txozna (8x4ko hiru eta 8x6 eta 6x4ko bana) jartzeko baimena ematea.
o Tejerian, 8x4ko bi txozna besterik ez jartzeko baimena ematea, betiere goialdean, Garraxi jatetxea eta Plaza Haundi artean jarriz gero. Oholtza txikia, berriz, Plaza Haundiko garajeetako sarbidearen parean jartzea, paraleloki, eta bertan dagoen zebrabidearen ondo-ondoan.
o Jai Batzordearen eta Udalaren artean bilerak egiteko beharra azpimarratu genuen, erabaki horiek beren kabuz hartzea ez zitzaigulako zuzena iruditzen.
o Berretsi genuen Plaza Haundin ezin direla hiru txozna baino gehiago jarri, Porrontxotako ekitaldi nagusiak bertan egiten direlako eta horietarako tokia behar delako.
o Desadostasuna agertu genuen Tejeriako oholtza txikiaren kokapenarekin: hala jarrita, Plaza Haundi eta Tejeriako musikak elkarrekiko gertuegi egongo lirateke, tailerretako langileek eta garajeen jabeek eragozpen handiak izango zituzten eta egun horietan kiroldegiko segurtasun arauak ez lirateke beteko. Izan ere, ez litzateke tokirik egongo, suteren bat izanez gero, suhiltzaileen kamioia Tejeriatik kiroldegira doan aldapan gora igo ahal izateko.
2009
o Lorategien Sailaren txostenaren arabera, ezin genuen Kristina Enea Parkea erabili. Gerora, irailaren 5ean, sail horrek Jai Batzordeari bidalitako txostenean jakinarazi zionez, puzgarriek toki gehiegi hartzen zutelako hartu zuten erabaki hori. Nahiz eta puzgarrien kontratazioaz ez den Jai Batzordea arduratzen, baizik eta Egiako Kultur Etxea bera.
o Donostia Kulturaren aurrekontu murrizketak.o 2008ko Porrontxoen harira txostena zabaldu zigun Udaltzaingoak, Udalak ezarritako ordutegiak ez betetzeagatik (asteburutan Tejeriako txoznak 01.00etarako ixtea, alegia, 2003an Donostiako jai batzordeekin adostutako hitzarmena baztertuz). Hain zuzen ere, beste alde batetik, irailaren 3an jakinarazi zitzaigun txosten hori zela eta, 2008ko jaiei zegokien diru laguntza itzuli behar genuela.
2010
o Aurtengo festetan ez zaigu baimenik emango 23.00etatik aurrera inongo ekitaldirik egiteko.
o Ez dizkigute festetarako ezinbestekoak diren azpiegiturak emango. Azpiegitura horiek guk gure kabuz lortuta ere, ez digute horiek muntatzeko baimenik emango.
o Horri gehitu behar zaio agiriak hitzez hitz dioen honakoa: ez dira gutaz fidatzen. Onartezina iruditzen zaigu halako adierazpen erabat subjektiboa argudio gisa erabiltzea jaietan halako debekuak ezartzeko.
GORA PORRONTXO JAIAK
Guk, Porrontxokumeok ez dugu BARNE PRODUKTU GORDINA gure bizimoduaren maila neurtzeko formula: EGIA IS DIFERENT , " EGIA EL BARRIO DONDE REINA LA ALEGRIA Y EL BUEN HUMOR" izan da beti. Horrexegatik, BARNE ZORIONTASUN GORDINA zenbatzen dugu guk, produktuaren kuantifikazioa triste bizi nahi dutenentzako utziaz. Geure formula berritzailea da, I+D+I deitutakoa: IRUDIMENA, DOTOREZIA, IRONIA. Eta gainera badu kalitate zigilu oso berezia eta fidagarria: K-ALAMIDADEAREN "K" zigilua.
Jai espontaneo, autogestionatu eta autonomo batzuetan sinesten dugu itsu-itsuan, auzokideek eraikiak, eta horregatik bizilagunekin hartu emanak garatzeko beraiei Eskatzen diegu, eurak Eskaintzen dute eta azkenik Eskertza dator. Eta alderantziz.
Alkate jaunari zera diogu , leku txarrean sartu duela muturra, eta orain iratxoak beharrean sudurrak aterako zaizkiola leku denetan. Prestatu daitezela bera eta bere morroiak SUDURREN GARAIA IRITSI DA-ETA!!! IKUSI, DASTATU, IKUTU, BAINA BATEZ ERE, USAINDU ARO BERRI HONEN ETORRERA.
Gaur eta hemen, ATOTXAko dorre mitiko honen azpian SUDURGABEEN MUGIMENDUA iritsi dela iragarri nahi dizuegu. Ekinbide berri honek ez du atsedenik hartuko eskubidez gureak diren jaiak antolatzeko hiriko gerifalteek kontrakoa badiote ere!!
Hauexek dira eskakizunak:
Totxo, Totxa eta Panotxa pailazoz jantzi eta egiatar guztiontzat saio mundiala egin dezatela eskatzen diegu.
· Eta hirugarrenik, eta azkenik, udal korporazioak Beyonce abeslariaren bideoklip ospetsuaren parodia egin dezan eskatzen dugu. Hori bai, sudur handi bat besterik ez dutela jantzita.
Soilik hiru eskakizun hauek betetzean, sudurren uholdea desaktibatzeko moduan izango gara. Bitartean presta zaitezte, eta PORRONTXOENGATIK lasai egon, berdin-berdin egingo ditugu-eta gauez zein egunez haur, gazte eta zahar ZIRT ETA ZART!!!
A! Eta ahaztu gabe, Udalari jakin arazi nahi diogu, aurten ere, Porrontxoak izango direla, 30 urteurrena dela aurtengoa eta mundialak izango direla!
GORA EGIA! GORA SUDURRAK!GORA PORRONTXO JAIAK!!
No te joden el alkalden ilarilarie,
tampoko denis itxasen ilarilarie,
aunke manden la munipen ilarilarie,
les daremos kon la totxen ilarilarie,
ilarilarilari-ilarilarie-ilarilarilari-ilarilarie,
ilarilarilari-ilarilarie-ilarilarilari-ilarilarie.
