Azpiegiturak eta gaueko egitaraua burutzeko baimena ukatu nahi digu Udalak. Egunez antolatutako ekintzak bakarrik baimenduko omen dituzte beti ere azpiegiturarik gabe, honek dakarrenarekin.
Eragozpenak gutxitu eta elkarbizitza hobetzeko plan bat osatu dugu zarata, ordutegi eta espazio kontuetan sortutako arazoak gainditzeko, baina erantzuna ezezko borobila izan da, Udalak berak sinatutako hitzarmenak babesten bagaitu ere.
Badakigu Udala geure argudioak gezurtatzen saiatuko dela, baina zuzen ari garelakoan gaude, urte osoan hiru egunez bakarrik ospatzen ditugun festak direlako hauek.
Egiako haur, gazte eta helduen festak jokoan daude. Zatoz maiatzaren 26an 19:30etan Kultur Etxean egingo dugun batzarrera. Denon artean erabakiko dugu zer egin.
